跌落谷底

一夜之間，冇晒

之後我轉戰Amazon，賣植物燈。連續八個月做到品類冠軍。訂單不斷增加、五星評價不斷上升。嗰陣覺得，自己真係無敵。

所以，我做咗好多過度自信嘅創業者都會做嘅蠢事：訓身落去。近一百萬港幣嘅存貨。嗰筆錢係我嘅大部份儲蓄、我嘅安全網、我嘅身家。

然後有朝早瞓醒，收到一封email。

「你嘅Amazon賣家帳戶已被暫停。」

登入一睇 — 帳戶凍結。幾百個退貨申請湧入嚟。產品全部下架。所有資金被鎖。

點解？競爭對手搞我。佢哋組織大量退貨去觸發Amazon嘅自動封號系統。Amazon冇查、冇問、冇理。演算法徹底將我打入黑洞。

一個平台。一個我完全控制唔到嘅決定。成盤生意，一晚冇晒。

26歲，人生最黑暗嘅日子

之後幾個月，係我呢世人最難捱嘅日子。

唔係嗰種普通「唔開心」。係每朝早瞓醒，知道自己親手搞砸咗自己嘅前途。我會避開屋企人，因為頂唔順「我早就話咗你啦」嘅眼神。係凌晨三點眼光光望住天花板，不斷計算自己到底蝕咗幾多。

最後被迫將所有存貨劈價賣畀美國回收商。睇住一箱箱心血被人當垃圾咁運走。收返嚟嘅？得返幾萬蚊。

喺最黑暗嘅時候，有個諗法出現咗。

嬲。

唔係嬲Amazon，唔係嬲對手，係嬲自己蠢。然後，我同自己講咗兩句說話：

呢兩句說話，就係我而家教緊所有嘢嘅根本。

我嘅使命

點解創辦MES？

一開始純粹係因為有人問我點做網上生意。

幫咗幾個朋友之後，我發現自己其實幾有天份教書。佢哋真係出到單、賺到錢。而我非常享受呢個幫人Zero to Hero嘅過程。

所以我將成套系統整理出嚟，由副業變成正職。而家MES係我其中一門最成功嘅生意。

我唔會同你講「我只係想幫人」— 我係做生意嘅。但我做呢門生意嘅方式，係確保學生真正能夠開單賺錢。因為你賺到錢，先至會介紹親戚朋友嚟，呢個先至係可持續嘅business model。呢一個理念，我都會應用喺其他生意上。